دالي باش يستفاد من مدرب من طينة المكشر

عندما تعقدت أمور مع الدريدي و الفريق كان في انهيار تام من جميع النواحي .. فنيا بدنيا ذهنيا طالبت هيئة زبير بية حينها بالتريث في تعاقد مع اطار فني جديد و منح نفخة فرصة الى حين التوقف الدولي ... توقعت نجاح دالي في تلك المرحلة الصعبة جدا رغم قلة الخبرة و نفخة ما قصرش .. كيف ما توقعت تذبذب في نتائج و مستوى و هذا عادي بحكم الوضعية العامة و وضعية الفريق كذلك قلة خبرة نفخة اللي مازال في أول خطواته في عالم التدريب لكن ظهر برشا بوادر محترمة و هذا اللي خلاني نزيد نطالب ببقائه ضمن الاطار الفني القادم لكسب مزيد من تجارب و الخبرة كذلك لتقديم إضافة بحكم يعرف مجموعة مليح و خاصة الشباب و يعرف مشاكل وضعية باش يعاون و يسهل الخدمة على الإطار الفني جديد ... نفخة لم يسترع في بناء مسيرته التدريبية لكنه لبى نداء الواجب وقت ما جمعيته استحاقته ... و لم يصبه الغرور أو التكبر و طالب مواصلة أو طالب بالمغادرة للحصول على فرصة كمدرب أول في فريق اخر و هذا ساهل برشا بعد ما تكون مدرب في النجم و تقدم نتائج مقبولة ... دالي اختار تريث لأنو فاهم مليح وضعية و شنوى تتطلب ، فاهم مليح امكانياته و فاهم اللي مازال بكري و مازل يتعلم و هذا موش عيب بالعكس ، حسبها بالصحيح لمصلحته و مصلحة الجمعية ... أكيد جدا دالي باش يستفاد من مدرب من طينة المكشر و أكيد جدا نفخة باش يعاون و يقدم إضافة ... النجم في حاجة لاولادها و اولادنا قولا و فعلا ما يفكروش برشا باش ياقفو مع جمعيتهم اللي قدمتلهم برشا ... بالتوفيق محمد علي نفخة ، كسبت قلوب جمهور كلاعب و كسبت احترامهم كمدرب في أول خطواته بمواقفه و رجوليته #ادمين_تورنادو